Իտալիայի բարձրագույն վճռաբեկ դատարանի որոշմամբ՝ քաղցը հագեցնելու համար սննդամթերքի գողությունն այլևս հանցագործություն չի համարվի այդ երկրում։ Այս մասին գրում է «Գազետան»՝ «Daily Mai»–ին հղումով։

Նշվում է, որ նման որոշում է կայացվել գործազուրկ ուկրաինացի Ռոման Օստրյակովի գործի արդյունքներով, որը 2011–ին 6–ամսյա կալանքի և 100 եվրո տուգանքի էր դատապարտվել Գենուիի սուպերմարկետից պանրի երկու կտոր և մեկ տուփ նրբերշիկ (ընդհանուր, մոտ 4 եվրո արժողությամբ) գողանալու համար։

Դատարանը եզրակացրել է, որ Օստրյակովը նման քայլի է դիմել քաղցից դրդված, դրա համար էլ նրա կատարածը հանցագործություն չէ։

Նշենք, որ ավելի վաղ էլ Ֆրանսիայում պաշտոնապես արգելել էին թափել ուտելիքը սուպերմարկետներից։

7or.am