Ուկրաինայի նախագահ Պյոտր Պորոշենկոյի պաշտոնական կայքում այսօր՝ մայիսի 10-ին, խնդրագիր է հայտնվել Ռուսաստանը Կացապիա վերանվանելու առաջարկով։ Այս մասին հայտնում է «lenta.ru»-ն:

«Բոլոր փաստաթղթերում «Ռուսաստանի Դաշնության» փոխարեն օգտագործել Կացապիա անվանումը: Հարկավոր է իրերն իրենց անուններով կոչել»,- գրել է դիմումի հեղինակը:

Աղբյուրը հիշեցնում է՝ փետրվարին հայտնի դարձավ, որ Ուկրաինայի Գերագույն ռադան օրակարգ էր ներմուծել օրենքի նախագիծ, որն արգելում էր «Ռոսսիա» անվանումը Ռուսաստանի Դաշնության համար՝ դրա փոխարեն առաջարկելով «Մոսկովիա» տարբերակը։

7or.am