Չինաստանը մինչեւ 2018 թվականը 4,7 տրիլիոն յուան (721 միլիարդ դոլար) կուղղի տրանսպորտային ենթակառուցվածքի օբյեկտների կառուցմանը: Այս մասին հայտնում է ՏԱՍՍ–ը՝ «Ցզինցզի ցանկաո բաո»–ին հղումով։

«Այդ միջոցները կուղղվեն երկաթուղային եւ ավտոմոբիլային ճանապարհների, ծովային ուղիների զարգացմանը եւ օդանավակայանների կառուցմանը»,- նշվում է ՉԺՀ-ի Զարգացման եւ բարեփոխումների պետական կոմիտեի որոշման մեջ։

Փաստաթղթում ասվում է, որ ՉԺՀ-ի կառավարությունը մտադիր է տրանսպորտային հաղորդակցությունը զարգացնել ոչ միայն երկրի ներսում, այլեւ ուրիշ պետությունների հետ:

Չինաստանում երկաթուղիները տրանսպորտի կարեւորագույն տեսակներից են: 2015 թվականին չինական գնացքները 2,5 միլիարդ ուղևոր են փոխադրել, որը 10 տոկոսով ավելի է, քան մեկ տարի առաջ:

7or.am