Բրիտանացի ռոք երաժիշտ Օզզի Օսբորնն ու նրա կինը՝ Շերոնը, միասին են ներկայացել հանրությանը։ Այս մասին հայտնում է «People»–ը։ Աղբյուրը նշում է՝ սա առաջին դեպքն է 33 տարվա ամուսնությունից հետո նրանց բաժանվելու մասին լուրերից հետո։

Օսբորն զույգը Լոս Անջելեսի «Hollywood Palladium» սրահ է գնացել՝ հայտնելու սեպտեմբերին կայանալիք «Ozzfest» փառատոնում «Black Sabbath»–ի ելույթի մասին։ Երաժշտի կինն առաջվա նման խմբի մենեջերն է։

Ականատեսներից մեկի խոսքով՝ բեմի վրա Օսբորնը գրկել է կնոջը, և դա աշխարհի «ամենաանհարմար գրկախառնությունն էր»։ Կինն Օզզիին «Black Sabbath»–ի առաջատար է անվանել և գգվանքով չի պատասխանել նրան։

Աղբյուրը նշում է, որ ներկայումս զույգը չի քննարկում ամուսնալուծության հարցը։

7or.am