Ավարտվեց «Եվրատեսիլ-2016» համաեվրոպական երգի մրցույթը։

534 միավորով առաջին տեղը զբաղեցրեց Ուկրաինայի ներկայացուցիչ Ջամալան՝ իր «1944» երգով։

Երկրորդ տեղում 511 միավորով Ավստրալիան է, երրորդում՝ Ռուսաստանը (491)։

10–րդ անգամ «Եվրատեսիլին» մասնակցող Հայաստանը 249 միավորով մրցույթում զբաղեցրեց 7–րդ հորիզոնականը։

Նշենք, որ Հայաստանը 12–ական միավորներ ստացավ Ռուսաստանից, Բուլղարիայից և Իսպանիայից, իսկ իր 12 միավորը շնորհեց Ֆրանսիային։

Ի դեպ, մրցույթում հաղթած Ջամալայի մայրը հայուհի է, հայրը՝ թաթար, երգչուհու իսկական անունն էլ Սուսաննա է։ «1944» երգը նվիրված է Ղրիմի թաթարների տեղահանմանը։

7or.am