Այսօր Սամվել Բաբայանն այնպիսի շուքով վերադարձավ Արցախ, որ շատերը չէին էլ կարող պատկերացնել: Բաբայանի այդպիսի վերադարձը Ղարաբաղ չափից դուրս անցանկալի էր Հայաստանի այսօրվա իշխանությունների համար, որոնք, հավանաբար, այսօր ամբողջ օրը համակարգչի առջևից այնկողմ չէին գնում, և տեսնում էին՝ ինչպիսի փառք ու պատվի արժանացավ գեներալը (թող հանրապետականները նայեն ու հասկանան, որ ժողովրդի համար մի լավ բան պետք է անեն, որ սենց ընդունելիության արժանանան, այլ ոչ թե դաժե փոքր միտինգի համար ամենավերևներից մարդկանց ճնշեն ու սպառնան, որ եթե չգան և մասսա չապահովեն, նրանց գործից կհանեն):

Բայց ավելի կարևոր է ֆիքսել, որ իշխանությունները պարզապես չեն հասկանում, որ Ղարաբաղում «գեբելսյան» մամուլ չեն կարդում, այնտեղ ավելի ռեալ են կյանքին նայում, և բոլոր «մուտիլովկեքը», որոնք այս օրերին իշխանություններն էին տարածում, հօդս ցնդեցին: Փուչիկի պես պայթեցին նաև նրանք, ովքեր իրենց ռազմական մասնագետ համարելով՝ ասում էին, թե «Բաբայանը հնացած է»: Ղարաբաղի ժողովուրդը ցույց տվեց՝ ով է հնացած, իսկ ում ձեռքերի վրա են պատրաստ տանել։ Ղարաբաղի ժողովուրդը նաև ցույց տվեց, որ իրենք պատրաստ են լուրջ մարդու հետևից գնալ, և թույլ չտալ, որ այլևս գեթ մեկ թիզ հող պակասի:

Արմեն Միքայելյանի ֆեյսբուքյան էջից