ԱՄՆ Պետքարտուղարության աշխատակիցները կոչ են անում ԱՄՆ նախագահ Բարաք Օբամային ռազմական գործողություն սկսել Սիրիայի կառավարության դեմ և պետական հեղաշրջում իրականացնել այդ երկրում։ Այս մասին հայտնում է «The Wall Street Journal»–ը։

«Պետդեպի տասնյակ աշխատակիցներ բողոքել են Սիրիայում ԱՄՆ վարած քաղաքականությունից։ Նրանք ներքին փաստաթուղթ են ստորագրել, որում կոչ է արվում նպատակաուղղված ռազմական հարվածներ հասցնել Դամասկոսի կառավարությանը։ Ասվում է, որ ռեժիմի փոփոխությունն «Իսլամական պետությանը» հաղթելու միակ միջոցն է»,– Օբամային Պետդեպի աշխատակիցներից ուղղված նամակից մեջբերում է անում պարբերականը։

Նշվում է, որ այդ փաստաթղթի տակ իր ստորագրությունն է դրել ԱՄՆ արտաքին գերատեչության 51 աշխատակից, որոնց թվում կան նաև բարձրաստիճան պաշտոնյաներ։

7or.am