Ամերիկյան լրատվամիջոցները հաղորդել են, որ ԱՄՆ հրամանատությունն ավելի վաղ որոշում էր ընդունել 2 FA-18 կործանիչ ուղարկել սիրիա–հորդանանյան սահման, որտեղ այդ ժամանակ ռազմական հանձնարարություն էին կատարում ՌԴ ՌՏՈՒ–ի ինքնաթիռները։ Ինչպես հայտնում է CNN–ը՝ Պենտագոնի իր աղբյուրին հղումով, ԱՄՆ–ը փորձել է խանգարել ՌԴ–ին հարվածներ հասցնել աշխարհազորայինների դիրքերին։

Հեռուստաընկերության տեղեկատվությամբ՝ ամերիկյան օդաչուները փորձել են կապ հաստատել ռուս օդաչուների հետ, սակայն պատասխան չեն ստացել։

Ռազմական գերատեսչությունից նշել են, որ մտադիր են Ռուսաստանից բացատրություններ պահանջել։

Հրադարարի համակարգման ռուսական կենտրոնից էլ հերթական անգամ հիշեցրել են, որ ՌԴ ՌՏՈւ–ն հարվածներ է հասցնում ռազմականացված խմբավորումներին։

7or.am