Հանրապետական կուսակցությունից ԱՄՆ նախագահի թեկնածու Դոնալդ Թրամփը դրամական միջոցների լուրջ պակասություն ունի իր ըտրարշավը ֆինանսավորելու համար. միլիարդատերը դեմոկրատ թեկնածու Հիլարի Քլինթոնից 10 անգամ ավելի քիչ գումար ունի։ Այս մասին գրում է CNN–ը։

Դաշնային ընտրական հանձնաժողովի տվյալներով՝ Քլինթոնն իր հաշվին 42 մլն դոլար ուներ մայիսի 31–ի դրությամբ, մինչդեռ Թրամփը՝ 1,3 մլն դոլար։

Նշվում է, որ իր միջոցների գերակշիռ մասը Քլինթոնը ծախսելու է հեռուստատեսային գովազդի վրա։

Ավելի վաղ «The Wall Street Journal»–ը գրել էր, որ հնարավոր է՝ Թրամփի դրամական միջոցները չբավականացնեն սեփական ընտրարշավը ֆինանսավորելու համար։

7or.am