Ղազախստանի խորհրդարանի Սենատի (վերին պալատի) պատգամավորները լիագումար նիստում հավանութուն են տվել Եվրասիական տնտեսական միության շրջանակներում դեղորայքի եւ բժշկական ապրանքների շրջանառության կանոնների վերաբերյալ համաձայնագրին Հայաստանի միանալու մասին արձանագրությունների վավերացմանը:

ՏԱՍՍ-ը հիշեցնում է՝ ԵԱՏՄ-ում դեղորայքի շրջանառությանը վերաբերող համաձայնագրերը ստորագրվել էին Եվրասիական տնտեսական հանձնաժողովի խորհրդի նիստում 2014 թվականի դեկտեմբերի 23-ին Մոսկվայում: Ղազախստանի նախագահ Նուրսուլթան Նազարբաեւը դրանց վավերացման մասին օրենքները ստորագրել էր 2015 թվականի հոկտեմբերին։

7or.am