ԵՄ կազմից դուրս գալու օգտին քվեարկած Մեծ Բրիտանիան հետդարձի ճանապարհ չունի։ «La Derniere Heure»–ի հետ հարցազրույցում նման տեսակետ է հայտնել Բելգիայի վարչապետ Շառլ Միշելը։

«Ընդունեք ձեր ընտրությունը՝ որքան էլ դրամատիկ այն լինի», – բրիտանացիներին կոչ է արել վարչապետը։

Միշելը հիշեցրել է, որ փետրվարին ԵՄ–ն զիջումների է գնացել և բացառություն արել Բրիտանիայի համար միգրացիոն քաղաքականության հարցում և սոցիալական ծառայությունների ոլորտում։ Սակայն այժմ Քեմերոնի հետ այդ համաձայնագրերն ուղարկվեցին «աղբարկղը»։

Ավելի վաղ հաղորդվել էր, որ Բրիտանիայում կրկնակի հանրաքվե անցկացնելու հարցով խնդրագիրը 3 մլն մարդ է ստորագրել։

Հիշեցնենք՝ հունիսի 23–ին «Brexit»–ի կողմնակիցները հաղթանակ տարան։

7or.am