Աշխարհ

28.06.2016 10:40


Արգենտինայի նախագահն անձամբ է խնդրել Մեսսիին մնալ հավաքականում

Արգենտինայի նախագահն անձամբ է խնդրել Մեսսիին մնալ հավաքականում

Արգենտինայի նախագահ Մաուրիսիո Մաքրին միացել է Լիոնել Մեսսիի երկրպագուների կոչին և խնդրել ֆուտբոլիստին շարունակել խաղալ ազգային հավաքականում։ Այս մասին հայտնում է «France Presse»–ը։

«Նա զանգահարել է Մեսսիին և ասել, որ հպարտություն է զգում ազգային հավաքականում նրա խաղի համար, և խնդրել է ուշադրություն չդարձնել քննադատությունների վրա»,– AFP–ին ասել է Մաքրիի ներկայացուցիչը։

Ավելի վաղ էլ Մեսսիի որոշումը դատապարտել էր արգենտինական ֆուտբոլի լեգենդ Դիեգո Մարադոնան՝ հայտարարելով, որ մարզիկը պետք է մնա ու մասնակցի 2018թ. ՌԴ–ում կայանալիք Աշխարհի առաջնությանը։

Հիշեցնենք՝ 29–ամյա առաջատար ֆուտբոլիստը հայտարարեց, որ ավարտում է իր կարիերան Արգենտինայի հավաքականում Ամերիկայի գավաթի եզրափակչում Չիլիին պարտվելուց հետո։

7or.am

Այս խորագրի վերջին նյութերը