Դամամայից Մումբայ չվերթ իրականացնող «Jet Airways» ավիաընկերության ինքնաթիռի 29–ամյա ուղևորին ձերբակալել են այն բանի համար, որ վերջինս ստիպել է բորտուղեկցորդուհուն իր հետ սելֆի անել։ Աղջիկը հայտարարել է, որ տղամարդը հետապնդել է իրեն ողջ թռիչքի ընթացքում և փորձել ուժ գործադրել։ Այս մասին փոխանցում է «Mashable»–ը։

Հուսահատվելով, որ չի կարողանում արժանանալ բորտուղեկցորդուհու ուշադրությանը՝ 29–ամյա հնդիկը գնացել է զուգարան և ծխել։ Դա արդեն չի վրիպել օդանավի անձնակազմի աչքից, և վերջիններս տղամարդուց խլել են կրակայրիչը։

Մումբայում վայրէջք կատարելուց հետո խուլիգանին ձերբակալել են։ Նրան մեղադրել են այլ ուղևորների կյանքը վտանգելու, կնոջ վրա հարձակվելու և անվտանգության կանոնները խախտելու մեջ։ Բացի այդ, ոստիկանությունը հետաքննում է, թե ինչպես է Հնդկաստանի քաղաքացուն հաջողվել օդանավ բարձրանալ կրակայրիչով։

Սելֆիի սիրահարը հայտարարել է, որ ցանկացել է լուսանկարվել բորտուղեկցորդուհու հետ զվարճանքի համար։

7or.am