Թուրքիայի ԱԳՆ ղեկավար Մևլութ Չավուշօղլուն հայտարարել է, որ Անկարան Ռուսաստանի համար «Ինջիրլիք» ավիաբազան հասանելի դարձնելու մասին առաջարկ չի արել։ Այս մասին հայտնում է «Reuters»–ը։

Միևնույն ժամանակ, նա նշել է, որ Թուրքիան բաց է համագործակցության համար՝ ընդդեմ «Իսլամական պետության» զինյալների։

«Ես նման հայտարարություն չեմ արել։ Ես ասացի, որ մենք կարող ենք ԻՊ դեմ պայքարում համագործակցել բոլորի հետ»,–ասել է Չավուշօղլուն ի պատասխան հարցին՝ ասե՞լ է նա արդյոք, որ ռուսական ինքնաթիռները կարող են օգտագործել Ինջիրլիքի ավիաբազան։

Հիշեցնենք՝ ավելի վաղ մի շարք լրատվամիջոցներ գրել էին, որ Թուրքիան կարող է թույլատրել ՌԴ–ին օգտագործել Ինջիրլիքի ավիաբազան ԻՊ դեմ գործողության համար։

7or.am