Ֆրանսիայի հավաքականի առաջատար Անտուան Գրիզմանը Միշել Պլատինիից հետո երկրորդն է, ում հաջողվել է մեկ առաջնության ընթացքում 5–ից ավելի գնդակ խփել։ 1984–ին Ֆրանսիայի հավաքականի կապիտան դարձավ Եվրոպայի առաջնության լավագույն ռմբարկուն՝ խփելով 9 գոլ։ Այս մասին հայտնում է РБК–ն։

Ուշագրավ է, որ Եվրո-1984–ին ընդամենը 8 հավաքական է մասնակցել, և իր 9 գնդակները Պլատինին խփել է 5 խաղում։ Գրիզմանն էլ ընթացիկ առաջնությունում դարձել է 6 գոլի հեղինակ։

Հիշեցնենք՝ Ֆրանսիա–Գերմանիա խաղն ավարտվեց 2։0 հաշվով. Գրիզմանը դարձավ դուբլի հեղինակ։

Հուլիսի 10–ին կկայանա Եվրո–2016–ի Ֆրանսիա–Պորտուգալիա գլխավոր և վերջին հանդիպումը։

7or.am