Ավստրալիայի բնակիչները, արձակուրդից վերադառնալով, իրենց տունը «գրավված» են գտել կոալայի կողմից։ Կենդանին նստել էր բազմոցին և հեռուստացույց էր դիտում, իսկ մարդկանց հասկացրել է, որ այդ տարածքն իրենն է համարում։

«Газета.Ru»–ի փոխանցմամբ՝ կոալան տուն է մտել շների համար հատկացված դռնակից։ Տանտերերը՝ Միշել Գուդմենը և Վիկի Հեյնսը, բավական զարմացել էին՝ տեսնելով արտասովոր հյուրին, որն ամեևին էլ չէր վախենում նրանցից։

Որպեսզի համոզեն կենդանուն հեռանալ, տանտերերը դիմել են կոալաների պաշտպանությամբ զբաղվող կազմակերպությանը։

7or.am