Պատանդներ վերցրած զինված խմբի հետ բանակցությունները շարունակվում են։ Այս մասին այսօր լրագրողների հետ զրույցում ասել է ՀՀ ոստիկանապետի առաջին տեղակալ Հունան Պողոսյանը՝ նշելով, որ դրանց արդյունքում ազատ են արձակվել մեկ ոստիկան և շտապօգնության մեքենայի վարորդը:

–Ազատ արձակված ոստիկանը պարեկապահակային ծառայության աշխատակից է: Ներկայումս համապատասխան օպերատիվ հետախուզական և կանխարգելիչ միջոցառումներն իրավապահ մարմինների կողմից շարունակվում են, պատշաճ ժամկետներում կտրվի ինֆորմացիա, –ասել է Պողոսյանը։

Փոխոստիկանապետի խոսքով՝ այս պահին կա հինգ պատանդ.

–Մեր պահանջը նույնն է՝ ազատ արձակել բոլոր պատանդներին, դադարեցնել իրավիճակի սրումն ու ապակայունացումը, հանձնվել իշխանություններին:

Պողոսյանը նշել է՝ եթե փոխզիջումներ չլինեն, ոստիկանությունն ու իրավապահ համակարգն ի վիճակի են ձեռնարկել օրենքով թույլատրելի բոլոր միջոցառումները:

Պողոսյանը նաև հավելել է՝ Ժիրայր Սեֆիլյանին բանակցություններին ներգրավելու վերաբերյալ հարցը դեռևս չի քննարկվում:

7or.am