Ռուսաստանը կցանկանար իր հարևաներին կայուն ու ծաղկող պետություններ տեսնել։ Նման հայտարարություն է արել ՌԴ նախագահի խոսնակ Դմիտրի Պեսկովը՝ մեկնաբանելով Թուրքիայի, Հայաստանի և Ղազախստանի վերջին իրադարձությունները։

«Մենք, իհարկե, կցանկանայինք մեր հարևաններին կայուն, ծաղկող ու կանխատեսելի պետություններ տեսնել։ Եվ տվյալ դեպքում կան բոլոր հիմքերը ենթադրելու, որ մեր հարևաններն ունեն այդպիսին լինելու բոլոր պոտենցիալները»,–ասել է Պեսկովը։

Կրեմլի ներկայացուցիչը խոստովանել է, որ հարևան երկրներում անվտանգության սպառնալիքն առաջացրել է Մոսկվայի անհանգստությունը, և ստիպում է անհրաժեշտ միջոցների դիմել։

«life.ru»–ն հիշեցնում է հուլիսի 16–ին Թուրքիայում ռազմական հեղաշրջման փորձի կասեցումը, Հայաստանում ՊՊԾ գնդի գրավումը և Ղազախստանի ՆԳ և ԱԾ կոմիտեի տարածքային ստորաբաժանումների գրոհը, որի հետևանքով 7 մարդ է մահացել։

7or.am