Թուրքիայի նախագահ Ռեջեփ Թայիփ Էրդողանն «Al Jazeera»–ի հետ հարցազրույցում հայտարարել է, որ եթե մահապատիժը վերականգնելու մասին որոշում ընդունվի, եվրոպական երկրները ստիպված կլինեն հարգել դա։ Այս մասին հայտնում է РИА «Новости»–ն։

«Իմ կարծիքով որոշումը կախված է ժողովրդից։ Եթե ժողովուրդն այդպես որոշի, ապա ժողովրդավարությանը հավատող բոլոր երկրները ստիպված կլինեն հարգել դա»,–ասել է թուրք նախագահը։

Այդպես է նա պատասխանել հարցին՝ պատրա՞ստ է արդյոք Թուրքիան հրաժարվել ԵՄ–ին անդամակցելուց մահապատիժը վերականգնելու դիմաց։

Գերմանիայի կանցլեր Անգելա Մերկելն ավելի վաղ Էրդողանին հիշեցրել էր, որ մահապաժի վերականգնումն անհամատեղելի է ԵՄ անդամության հետ։

«gazeta.ru»–ն հիշեցնում է՝ Թուրքիայում մահապատիժը չեղարկվել է 2004–ին՝ ԵՄ մտնելու չափանիշներին համապատասխանելու համար։

7or.am