Սիրիայի զինյալները համացանցում կադրեր են հրապարակել՝ ինչպես են Իդլիբում ռազմական ուղղաթիռ խոցել։ Կատարվածի մասին հայտնում է «Reuters»–ը՝ Մարդու իրավունքների սիրիական դիտարանին հղումով։ Չի հստակեցվում, սակայն, թե որ երկրի ՌՕՈՒ–ին է պատկանում օդանավը։

Կադրերից մեկում երևում է օդաչուի մարմինը, ընդդիմադիր հեռուստաալիքներն էլ հաղորդում են, որ նա գերեվարվել է կենդանի վիճակում։

Աղբյուրը հիշեցնում է՝ Իդլիբում բախումներ են ընթանում սիրիական զինված ընդդիմության և կառավարական զորքերի միջև։ Ռուսական ավիացիան աջակցում է Դամասկոսին։

***

Ավելի ուշ ՌԴ ՊՆ–ն հաստատել է, որ Իդլիբում խոցվել է ՌԴ ՌՏՈՒ–ին պատկանող Մի–8 ուղղաթիռը։ Անձնակազմի 3 անդամի և հակամարտող կողմերի հաշտեցման ռուսական կենտրոնի 2 սպայի ճակատագրերն անհայտ են։

***

Ուղղաթիռը խոցել են երկրից սիրիական Հալեպ մարդասիրական օգնություն տեղափոխելուց հետո Հմեյմիմի ավիաբազա վերադառնալիս։

Համացանցում արդեն կատարվածի տեսանյութն ու լուսանկարն են հրապարակվել։

***

«Life»–ի փոխանցմամբ՝ ուղղաթիռը խոցվել է «Ջեյշ ալ Ֆաթհ» խմբավորման գրոհայինների դիրքերից։ Նախնական տեղտկատվությամբ՝ 5 զինծառայող է զոհվել։

7or.am