18.04.2024 ● 20:45
18.04.2024 ● 19:39
18.04.2024 ● 15:10
.jpg)
18.04.2024 ● 14:50
18.04.2024 ● 14:37
18.04.2024 ● 14:32
18.04.2024 ● 13:57
18.04.2024 ● 13:53
18.04.2024 ● 11:21
18.04.2024 ● 11:15
18.04.2024 ● 08:24
18.04.2024 ● 07:21
17.04.2024 ● 21:21
17.04.2024 ● 20:50
17.04.2024 ● 20:29
17.04.2024 ● 20:19
17.04.2024 ● 19:16
Նոր մանրամասներ Հ. Հարությունյանի և Ա. Պետրոսյանի առողջական վիճակի ու գտնվելու պայմանների վերաբերյալ
Նա տեղեկացրել է, որ Հովհաննես Հարությունյանը և Աշոտ Պետրոսյանը, ճիշտ է, գտնվում են «Դատապարտյալների հիվանդանոց» քրեակատարողական հիմնարկում, սակայն նրանց տեղափոխել են այլ հիվանդասենյակներ:
«Իմ բազմաթիվ բողոքներից հետո վերջապես հիվանդասենյակները փոխեցին, բայց, այնուամենայնիվ, քաղաքացիական հիվանդանոց չտեղափոխվեցին: Շուտով թե՛ Աշոտ Պետրոսյանը, թե՛ Հովհաննես Հարությունյանը երկորդ անգամ պետք է վիրահատվեն: Աշոտ Պետրոսյանը երկու ոտքից վիրավորում է ստացել, իսկ Հովհաննես Հարությունյանը վիրավորվել է աջ ոտքից», - տեղեկացրել է Հայարփի Սարգսյանը` հավելելով, որ վիրահատության հստակ օրը դեռ հայտնի չէ. բժիշկները սպասում են նրանց փոքր–ինչ կազդուրվելուն:
«Ամեն դեպքում, այն վիճակը, որ նախկինում էր, արդեն վերացել է: «Էրեբունի» ԲԿ–ից բուժանձնակազմ է եկել. արդեն երեք օր է՝ «Դատապարտյալների հիվանդանոցում» են: Աշոտն ու Հովհաննեսը հակասանիտարական պայմաններում են գտնվել երեք օր: Նրանց երկուսի վիճակն էլ գնահատվում է կայուն ծանր: Ես այդ օրն անմիջապես նկատեցի ու բարձրաձայնեցի, որից հետո աղմուկ բարձրացավ, հոդվածներ տպագրվեցին: Շատ եմ կարևորում լրագրողների աշխատանքը, որ իմ բողոքի բարձրաձայնումը նման տարածում գտավ: Դա շատ էական նշանակություն ունեցավ»,- ասել է նա` հավելով, որ ինքը այդ հակասանիտարական վիճակի դեմ բողոքի դիմումներն ուղարկել է Արդարադատության, Առողջապահության նախարարություններ, ՄԻՊ գրասենյակ, ԱԱԾ համապատասխան բաժին և ՔԿՎ պետին: