Ավստրիայի կանցլեր Քրիսթիան Քերնը կարծում է, որ Թուրքիայի հետ ԵՄ–ին անդամակցելու հարցով բանակցությունները հարկավոր է դադարեցնել։ Նա հայտնել է, որ այդ հարցը կբարձրացնի սեպտեմբերին կայանալիք ԵՄ գագաթաժողովում։ Այս մասին փոխանցում է ТАСС–ը։

«Die Presse»–ին կանցլերն ասել է՝ Թուրքիան ԵՄ անդամ չի դառնա ո՛չ հիմա, ո՛չ հաջորդ տասնամյակում, և ԵՄ–ին անդամակցելու այդ բանակցությունները պատրանք են։

«Եվրոպային նոր ճանապարհ է պետք»,–նշել է Քերնը։

ԵՄ–ին անդամակցության ճանապարհին լրջագույն խոչընդոտ են համարվում Թուրքիայում տեղի ունեցող քաղաքական գործընթացները և Եվրոպայի համար անընդունելի տնտեսական անհավասարակշռությունը։

Օգոստոսի 1–ին էլ ԳԴՀ փոխկանցլեր Զիգմար Գաբրիելը պահանջեց Թուրքիայից դադարեցնել սպառնալ ԵՄ–ին ներգաղթյալների առաջ սահմաները բացելու հարցով, որպեսզի հասնի ԵՄ հետ վիզային ռեժիմի թեթևացմանը։

7or.am