«Kyiv Post»–ի սյունակագիր և «The Huffington Post»–ի բլոգեր Արմինե Սահակյանը վերլուծական հոդված է հրապարակել «The Huffington Post»–ում, որտեղ, մասնավորապես, ասվում է.

«Հայաստանում ոստիկանության շենքի արյունոտ գրավումն ավարտվել է, սակայն հանրային զայրույթի խորությունը, որն արտահայտվում է ապստամբներին աջակցող, փողոց դուրս եկած ցուցարարների միջոցով, վկայում է այն մասին, որ հայերի մեծամասնությունը կորցրել է հավատը Սերժ Սարգսյանի հանդեպ։

Ժամանակն է, որպեսզի նա հեռանա։

Հաշվի առնելով Սերժ Սարգսյանի կառավարման 8 տարիների ընթացքում առաջընթացի բացակայությունը և երկրում տեղի ունեցող շարունակական ցնցումները՝ շատ հայեր եզրակացրել են, որ նա պետք է լքի իր պաշտոնը»։

Նաև հիշատակվում են քաղաքական վերլուծաբան Հրանտ Գադարիգյանի բազմաթիվ ելույթները, որոնցում նա նշել է, որ Սերժ Սարգսյանի դեմ 8 տարի պայքարելուց հետո նա դեռևս չի ընկալում իր հեռանալու փաստը։

«Գուցե Սարգսյանին միևնույն է, թե մարդիկ ինչ են մտածում իր մասին,–գրել է Գադարիգյանը,–դա կարող է լինել նրանից, որ ինքը և իր ենթականերն ապրում են մի աշխարհում, որը զերծ է հասարակ ժողովրդի փորձություններից և դժբախտություններից, և նրանք իսկապես չեն կարողանում տեսնել այն ամենը, ինչ կատարվում է իրենց առանձնատներից և նախագահական դղյակի պատերից այն կողմ»։

Հոդվածագիրն ավելացնում է, որ նա դարձրել է Հայաստանը Խորհրդային Միության ամենաաղքատ երկրներից մեկը, դարձրել է մի եկիր, որտեղից միլիոնավոր մարդիկ հեռանում են՝ այլ երկրներում աշխատանք փնտրելու նպատակով, և նրա կողմից թույլ տված կոռուպցիայի արդյունքում է, որ շատ այլ քաղաքական գործիչներ և բիզնես վերնախավի ներկայացուցիչներ ապրում են շքեղ կյանքով։

«Սկեպտիկները հավատում են, որ երկրի նոր առաջնորդի թիմը պետք է իշխանության գա ազատ և արդար ընտրությունների արդյունքում։ Նրանք վճռականությամբ օժտված և ունակ մարդիկ պետք է լինեն, որպեսզի կարողանան լուծում տալ այն խնդիրներին, որոնք Սերժ Սարգսյանն անկարող էր կամ չէր ցանկանում լուծել։

Այս տեսանկյունից Սերժ Սարգսյանը մեծ լավություն կանի հայերին՝ հայտարարելով իր հրաժարականի մասին»,–հավելել է «The Huffington Post»–ի բլոգերը։

Թարգմանությունը՝ «7օր»–ի։