Ներկա պայմաններում Թուրքիան չի կարող դառնալ Եվրամիության անդամ։ Նման հայտարարություն է արել Եվրահանձնաժողովի նախագահ Ժան–Քլոդ Յունքերը։

«Թուրքիան այն վիճակով, որում այսօր գտնվում է, չի կարող դառնալ ԵՄ անդամ, և առաջին հերթին այն պատճառով, որի մասին խոսում են բոլորը՝ մահապատիժ կիրառելու»,–ARD–ին ասել է Յունքերը։

Յունքերը նաև կարծիք է հայտնել, որ Թուրքիայի՝ ԵՄ անդամության հարցով բանակցությունների դադարեցմանը ոչ բոլորը կհամաձայնեն։

Ավելի վաղ Թուրքիայի նախագահ Էրդողանը կոչ էր արել մյուս երկրներին հարգել Թուրքիայի որոշումը, եթե ժողովուրդն ու խորհրդարանը որոշում ընդունեն մահապատիժ կիրառելու վերաբերյալ։

7or.am