Այս տարվա 9 ամիսներին մինչեւ 16 տարեկանների մասնակցությամբ ճանապարհատրանսպորտային պատահարների թիվը նախորդ տարվա նույն ժամանակահատվածի համեմատությամբ նվազել է 3,1%-ով, իսկ մայրաքաղաքում դեպքերի նվազման ցուցանիշը նշված ժամանակահատվածում 7,9% է: 2010 թ. ինն ամիսներին հանրապետությունում ընդհանուր առմամբ արձանագրվել է անչափահասների մասնակցությամբ 155 պատահար, որոնց հետեւանքով զոհվել է 11 եւ մարմնական տարբեր վնասվածքներ ստացել 166 երեխա: Նշված պատահարներից 58-ը տեղի է ունեցել մայրաքաղաքում. Երեւանում անչափահասների մասնակցությամբ պատահարներից ոչ մեկը մահացու ելքով չի եղել: