Ինչպես հաղորդում է «Ինտերֆաքս» գործակալությունը, այսօր առավոտյան Սիբիրի մի քանի շրջաններում ստորգետնյա ցնցումներ են արձանագրվել։

Երկրաշարժ է արձանագրվել Ալթայի երկրամասում, Խակասիայում, Կեմերովոյի շրջանում, Մինուսինսկում, Կանսկում, Նովոսիբիրսկում և Կրասնոյարսկում։

Ամերիկացի սեյսմոլոգների կարծիքով՝ էպիկենտրոնը գտնվել է  Աբականից 170 կմ հեռավորության վրա, իսկ երկրաշարժի ուժգնությունը 5,5 մագնիտուդ է եղել։ Հաղորդվում է, որ երկրաշարժը 15 կմ խորության վրա է տեղի ունեցել։

Տուժածների և ավերածությունների մասին դեռևս ոչ մի տեղեկատվություն չկա։ Շուրջ 30 փոքր ավանների հետ կապն ընդհատված է։ Բջջային կապն այդ հատվածներում պարբերաբար ընդհատվում է, բայց, ըստ նախարարության աշխատակիցների, դա պայմանավորված է կապի չափազանց ծանրաբեռնվածությամբ։

Այնտեղ են ուղևորվել Արտակարգ իրավիաճկաների նախարարության աշխատակիցներ։ Նախարարությունը հավաստիացնում է, որ տարհանման խնդիր դեռևս չկա, բայց երեխաներին դպրոցներից ու մանկապարտեզներից դուրս են բերել փողոց։