«Մեծ յոթնյակի» (Գերմանիա, ԱՄՆ, Կանադա, Ճապոնիա, Ֆրանսիա, Մեծ Բրիտանիա, Իտալիա) մասնակիցները պատրաստ են Ռուսաստանի հետ քննարկել նրա վերադարձը G8 Դոնբասում ու Սիրիայում առաջընթաց արձանագրվելու դեպքում։ ՌԻԱ «Նովոստիի» փոխանցմամբ՝ նման հայտարարություն է արել Գերմանիայի ԱԳՆ ղեկավար Ֆրանկ–Վալտեր Շթայնմայերը «RedaktionsNetzwerk Deutschland»–ի հետ հարցազրույցում։

«Սիրիայի և Ուկրաինայի հակամարտությունները ցույց են տալիս, որ մեր շահերից է բխում Ռուսաստանին չբացառելը խոշորագույն համաշխարհային տնտեսությունների բանակցային նեղ ձևաչափից... Եթե վերջապես շոշափելի առաջընթաց հայտնվի Արևելյան Ուկրաինայում և Սիրիայի զինադադարի հարցով բանակցություններում, G7–ի գործընկերները պատրաստ են այդ մասին խոսել Մոսկվայի եհտ»,–նշել է նախարարը։

«G8 վերադարձի բանալին Մոսկվայի ձեռքում է»,–հավելել է Շթայնմայերը։

7or.am