Բուքինգեմյան պալատում հավաքարարի օգնականի թափուր հաստիք կա։ Հարկավոր է աշխատել շաբաթը 5 օր, ամենամյա արձակուրդը՝ 33 օր։ Նոր աշխատակցի նախնական աշխատավարձը տարեկան 16 744 ֆունտ ստեռլինգ կլինի։ Առաջարկվում է բնակվել գործատուի տարածքում։

«Համարների հավաքումը կամ հյուրընկալության փորձն առավելություն կդիտվեն, բայց ոչ վճռորոշ գործոն։ Մենք ավելի շատ հետաքրքրված ենք թիմում աշխատելու ձեր հմտություններով։ Հաղորդակցական ձեր հմտությունները կնշանակեն, որ դուք կարող եք արդյունավետ կերպով հարմարվել ցանկացած իրավիճակի»,–ասվում է հայտարարության տեքստում։

Հեղինակները նաև նշել են, որ ապրելու ու սնվելու գումարը վճարելու է պալատի տերը։

Տնտեսական օգնականը պատասխանատու է լինելու պատմական սրահների ու կահույքի մաքրության համար։ Նրա պարտականությունների թվում են նաև այցերը Մեծ Բրիտանիայի թագավորական այլ պալատներ։

7or.am