«Գազպրոմի» ղեկավար Ալեքսեյ Միլլերը և Թուրքիայի էներգետիկայի ու բնական պաշարների նախարար Բերաթ Ալբայրաքը պայմանավորվել են ամենակարճ ժամկետներում ավարտել «Թուրքական հոսք» գազատարի շինարարության գծով բոլոր թույլտվությունները ստանալու գործառույթը:

Այս մասին ՌԻԱ «Նովոստիին» հայտնել է ռուսաստանյան գազային ընկերությունը:

«Հանդիպմանը պայմանավորվածություններ են ձեռք բերվել ամենակարճ ժամկետներում ստանալ «Թուրքական հոսք» նախագծով գազատարի շինարարության համար անհրաժեշտ բոլոր թույլտվությունները: Ռուսաստանյան գազը Թուրքիա մատակարարվելու պայմանների հարցով կոմերցիոն բանակցությունները շարունակվելու են»,– ասվում է տարածված հաղորդագրության մեջ։

7or.am