ԱՄՆ պաշտպանության նախարար Էշթոն Քարթերը հայտարարել է, ոոր Լիբիայի զինված ուժերը մոտ են «Իսլամական պետության» գրոհայիններից Սիրտ քաղաքի ազատագրմանը։ Այս մասին հայտնում է «Reuters»–ը։

«Ես ակնկալում եմ, որ նրանք (լիբիական զորքերը) շուտով կմաքրեն քաղաքը»,–ասել է Քարթերը։

Նա նաև հավելել է, որ քաղաքի վերջնական ազատագրումից հետո ԱՄՆ–ը չի պատրաստվում դադարեցնել Լիբիայի բանակին տրվող օգնությունը։

Ավելի վաղ հաղորդվել էր, որ Սիրտում մարտերի ժամանակ լիբիական բանակի առնվազն 34 զինծառայող է զոհվել։

Լիբիայի բանակը ԻՊ կողմից գրավված Սիրտ քաղաքի լայնամասշտաբ գրոհ էր սկսել ս. թ. օգոստոսի 28–ին։ Զորքին հաջողվել է իր վերահսկողության տակ վերցնել քաղաքի մեծ մասը։

7or.am