Հայաստանի հավաքականի ավագ, «Մանչեսթեր Յունայթեդի» կիսապաշտպան Հենրիխ Մխիթարյանը բաց կթողնի «Մանչեսթեր Յունայթեդի» առաջիկա երեք հանդիպումները:

«The Times»–ի փոխանցմամբ՝ վերջերս կայացած մանչեսթերյան դերբիի ժամանակ Մխիթարյանը կրկին վնասել է ձախ ոտքի նույն մկանը:

Մխիթարյանը վնասվածք էր ստացել Չեխիայի ընտրանու հետ խաղում, սակայն հասցրել էր ապաքինվել՝ մասնակցելով դերբիին:

Սակայն պարբերականը հայտնում է, որ «Մանչեսթեր Սիթիի» հետ խաղում հայ ֆուտբոլիստի վնասվածքը զգացնել է տվել:

Նշվում է, որ վերականգնման համար կպահանջվի ևս 10 օր: Այդ ընթացքում, փաստորեն, Մխիթարյանը բաց կթողնի Եվրոպայի լիգայի, Անգլիայի առաջնության և Անգլիայի լիգայի գավաթի խաղարկության մեկական հանդիպում:

7or.am