Լոնդոնի պատմության մեջ առաջին մահմեդական քաղաքապետ Սադիք Խանը Հիլարի Քլինթոնին է աջակցել ԱՄՆ նախագահի պաշտոնի համար մղվող մրցապայքարում։ Այս մասին հայտնում է «Reuters»–ը։

Խանը շեշտել է, որ հանրապետական թեկնածու Դոնալդ Թրամփի հակամահմեդական հայացքները ԻԼԻՊ–ի «ջրաղացին են ջուր լցնում»։

«Որպես երկու աղջկա հայր՝ ես կարծում եմ՝ այն փաստը, որ աշխարհում ամենագլխավոր քաղաքական գործիչը կին է լինելու, կարևոր հաղորդագրություն կդառնա աշխարհին, և հույս ունեմ՝ նա կհաղթի»,–ասել է Խանը։

ԱՄՆ իր առաջին պաշտոնական այցի ժամանակ նա նշել է, որ Քլինթոնի մեծ երկրպագուն է։

7or.am