Երաժիշտ Վահան Արծրունու համար Անկախության 25 տարիների միակ դրականն կողմը հենց անկախության հասնելն էր:

«Ամենամեծ ձեռքբերումը հենց ինքը անկախությունն է և պետականության իրողությունը: Սա այն ճշմարտությունն է, որին կարելի է միայն միանշանակ վերաբերվել»,- «Zham.am»-ի հետ զրույցում ասաց երաժիշտը:

Ինչ վերաբերում է բացասական կողմերին, ապա, ըստ նրա, դրանք ընդհանրապես անկախության բարոյական մտքի հետ որևէ կապ չունեն:

«Ես կասեի ավելին՝ հանդիսանում են որպես հակաթև դրան: Դա այն իրողությունն է, որի մեջ մենք բոլորս տապակվում ենք, այսինքն՝ հսկայական սոցիալական անարդարությունը, հսկայական բևեռացումը՝ և՛ բարոյական առումով և՛ տնտեսական առումով: Ամենաթողություն և իշխանության բոլոր ձևերը օգտագործելու անսահման հնարավորություն հարստանալու համար, խայտառակ իրավիճակ, որի մեջ գտնվում է ամբողջ ազգը՝ անգործություն, կորսված հայրենիքի զգացողություն և ընդհանրապես ցանկացած արժեհամակարգի խեղաթյուրում»,-ասաց նա:

Մանրամասն՝ «Zham.am»-ում