Ռուսաստանի ԱԳՆ ղեկավար Սերգեյ Լավրովը հայտարարել է, որ ԱՄՆ զինվորականները, հավանաբար, այնքան էլ չեն ենթարկվում իրենց գերագույն գլխավոր հրամանատարին՝ նախագահ Բարաք Օբամային։ Այս մասին հայտնում է РИА «Новости»–ն։

«ԱՄՆ գերագույն գլխավոր հրամանատար Բարաք Օբաման աջակցում էր, ինչպես ինձ հավաստիացնում էին, Ռուսաստանի հետ փոխգործակցությանը, նա ինքն է այդ մասին հաստատել նախագահ Պուտինի հետ հանդիպմանը։ Հավանաբար, զինվորականներն այնքան էլ չեն ենթարկվում իրենց գերագույն գլխավոր հրամանատարին»,–նշել է նախարարը։

Լավրովը հիշեցրել է նաև, որ իր ամերիկացի «լավ» գործընկեր Ջոն Քերրին զարմանալիորեն ՌԴ–ին է մեղադրել Հալեպում մարդասիրական օգնություն տեղափոխող շարասյան հրետակոծության մեջ։ Նախարարի խոսքով՝ դա Քերրիին նման չէ։

Լավրովն ընդգծել է՝ հավանաբար, նրան «մի լավ բաժին է հասել», քանի որ Քերրին ԱՄՆ զինվորական համակարգի կողմից մշտապես քննադատության է արժանացել։

7or.am