Ստոկհոլմում շարունակվում է Նոբելյան շաբաթը։ Նախօրեին հայտնի դարձավ բժշկության և ֆիզիոլոգիայի ոլորտում հաղթողի անունը։ Մրցանակին արժանացավ ճապոնացի կենսաբան, Տոկիոյի համալսարանի պրոֆեսոր Յոշինորի Օշումին (Yoshinori Ohsumi) աուտոգրաֆիայի մեխանիզմի հետազոտության համար։

Օշումին մասնագիտանում է մոլեկուլային կենսաբանության բնագավառում և զբաղվում է աուտոֆրաֆիայի ժամանակ սպիտակուցների քայքայման հետազոտություններով, երբ բջջի ներքին բաղադրիչները փոխադրվում են դրա թաղանթապղպջակներ և այնտեղ քայքայվում։ Աուտոգրաֆիան անհրաժեշտ է բջիջներին անպետք մարմնիկներից ազատվելու համար։ Դրա միջոցով օրգանիզմն ազատվում է ոչ պետքական բջիջներից։

Ֆիզիկայի ոլորտում այսօր հաղթողներ են ճանաչվել բրիտանացի գիտնականներ Ջեյմս Թաուլեսը, Ֆրեդերիկ Հալդեյնը և Ջոն Կոստրելիցը՝ տոպոլոգիական փուլային անցումների մասին գիտության զարգացման գործում իրենց նշանակալի ներդրումների համար։

Դափնեկիրները մշակել են զարգացած մաթեմատիկական մեթոդներ մատերիայի արտասովոր փուլերը և յուրահատկությունները բնութագրելու համար։

«nobelprize.org»–ի փոխանցմամբ՝ դրամական պարգևատրման գումարն այս տարի կկազմի 8 մլն շվեդական կրոն (մոտ 956 հազար դոլար) ֆիզիկայի բնագավառում մրցանակի բոլոր դափնեկիրների համար։ Մրցանակը շնորհում է Շվեդիայի գիտությունների թագավորական ակադեմիան։

Նշենք, որ 2016թ. Նոբելյան մրցանակի համար առաջադրված է 273 գիտնական։

Ըստ ավանդույթի՝ պաշտոնական մրցանակաբաշխությունը կկայանա Ստոկհոլմում 2016թ. դեկտեմբերի 10–ին։

Ստորև ներկայացնում ենք բժշկության ու ֆիզիոլոգիայի և ֆիզիկայի ոլորտում հաղթողների լուսանկարները։

7or.am