Հայաստանի Պառլամենտարիզմի Կենտրոն(ՀՊԱԿ) դիտորդական առաքելության  ղեկավար    Անահիտ  Սարգսյանն, այսօր,  դիմել  է  մի  շարք  պետական մարմինների և  պաշտոնատար անձանց,  Ընտրական  օրենսգրքով  և  ԿԸՀ  թիվ  84-Ա  որոշմամբ  հաստատված  ժանակացույցով  սահմանված  համապատասխան դրույթների  կատարման  ապահովման  հարցերով, մասնավորապես'

1. թիվ  10-րդ  ԸԸՀ-ին' թեկնածուների  նախընտրական հիմնադրամների ֆինանսական  մուտքերի  և  ելքերի  մասին  տեղեկատվության  տրամադրման, ինչպես նաև, թեկնածուների  հետ  ընտրողների  հանդիպումների  կամ  այլ  միջոցառումների  համապատասխան  ժամանակացույցի  հրապարակման,
2. ՀՀ  Ոստիկանությանը  և  Պաշտպանության նախարարին' զինծառայողների  մասնակցությունը  ընտրություններին  կանխելու  համար  ձեռնարկած  միջոցների  ներկայացման,
3. ՀՌԱՀ-ին'  հեռուստաընկերությունների  կողմից  վճարովի  եթերաժամի  սակագների  սահմանման,
4. ՀՀ  Նախագահին' 2010-ի  հունվարի  1-10-ը  ժամանակահատվածում  ընտրական  գործընթացներում  իրավասու  պետական  մարմինների, ինչպես  նաև,                            ՀՀ  Տրանսպորտի  և  կապի նախարարին'  Հայփոստի  աշխատօրերի  և  աշխատանքային կարգի  հայտարարման,
5. «Կենտրոն» Համայնքի  ղեկավարին' քարոզչական  պաստառների  փակցման համար  թիվ  10-րդ ընտրատարածքում  առանձնացված  հատուկ  տեղերի  հայտարարման  մասին:

Հարկ ենք  համարում  արձանագրել, որ  մեծաքանակ  այս  դիմումների  պատճառն  այն  է  նաև, որ  ԸՕ-ով  սահմանված  գրեթե  ոչ  մի  համապատասխան  միջոցառում չի իրականացվում  իրավասու  պետական մարմինների  կողմից  և, որպես  հետևանք, ընտրողների  գերակշռող մասը  տեղեկացված չի, անգամ, առաջիկա  ընտրությունների  մասին:    

ՀՊԱԿ  լրատվություն