Հետաքննությունների դաշնային բյուրոն ներկայումս ապացույցներ չի գտել այն բանի, որ ԱՄՆ նախագահի հանրապետական թեկնածու Դոնալդ Թրամփն ինչ–որ կապեր ունի ռուսական իշխանությունների հետ։ Այս մասին հայտնում է «The New York Times»–ը։

Նշվում է, որ ՀԴԲ–ն ողջ ամառ հետաքննություն է վարել մի քանի ուղղություններով՝ փորձելով կապեր գտնել Թրամփի և ռուսական բիզնեսի միջև, սակայն ապարդյուն։

Այնուհանդերձ, ՀԴԲ–ն կշարունակի հետաքննել ինչպես այդ հարցը, այնպես էլ դեմոկրատ թեկնածու Հիլարի Քլինթոնի՝ անձնական փոստով աշխատանքային հարցեր քննարկելու գործը։

Միևնույն ժամանակ, ԱՄՆ նախկին պետքարտուղարը շարունակում է պնդել Թրամփի՝ ՌԴ կառավարության հետ ունեցած կապերի վերաբերյալ «անհերքելի» ապացույցների առկայության մասին։ Ավելի վաղ նա Թրամփին կոչ էր արել «անհապաղ բացահայտել իր կապերը Կրեմլի հետ»։

7or.am