ՀՀ պաշտպանության նախարարությունը 50 միլիոն դրամ կհատկացնի «ԳԵՎՏԻԳ» սահմանափակ պատասխանատվությամբ ընկերությանը՝ համերգ կազմակերպելու համար: Այո՜, այո՜, դուք լավ լսեցիք՝ 50 մլն դրամ մեկ օրվա՝ հունվարի 28-ին՝ ՀՀ բանակի կազմավորման հանար:

Հիմա ասեք տեսնենք՝ 1000 դրամների շուրջ առաջացած աղմուկն արդյոք արդարացված չէ՞. հիմա ի՞նչ է ստացվում, մենք՝ հարկատուներս, ամեն ամիս 1000 դրամ «քցվենք» բանակին, իսկ բանակը մեկ օրվա համար 50 մլն դրամ ծախսի տոնական միջոցառման համա՞ր:

Երևի ՊՆ նորանշանակ նախարարը «տարոնական» խաղեր է ուզում տալ կամ նրանից «խոնավություն» է քաշել, բայց նման պահվածքն այսօրվա ֆոնին և խոցելի այս ոլորտում չի՛ ընդունվում և չի՛ անցնելու, երևի պարզ է, չէ՞, ինչու:
Իհարկե, հասկանում ենք, որ «ատկատային» մեծ գործերն այս միջոցառումների մեջ եք «բռնում», բայց մի քիչ ձեզ տեսած պահեք, և հասկացեք՝ այս հասարակությունը նման շռայլություններ բազմիցս ճաշակել է և այլևս դա թույլ տալ չի կարող:

Այո՛, չի կարող, քանի որ աղքատությունն այս երկրում ավելի մեծ թիվ է կազմում, ամեն 3-րդ ընտանիք աղքատ է համարվում, մարդկային հոսքն արտերկիր օր օրի մեծանում է, և անընդունելի է այս խարխլված, վատ մթնոլորտի շրջանակներում էլ ավելի վատացնել իրավիճակը: Հասարակության կարծիքի վրա թքած ունեցող այս իշխանությունն իսկապես «չափն» է անցնում:

Սաթեն Մանասյանի ֆեյսբուքյան էջից