Ռուսաստանի փոխարտգործնախարար Սերգեյ Ռյաբկովը հայտարարել է, որ ՌԴ ԱԳՆ ղեկավար Սերգեյ Լավրովն ու ԱՄՆ պետքարտուղար Ջոն Քերրին նոյեմբերի 17–ին կհանդիպեն Պերուի մայրաքաղաք Լիմայում։ Այս մասին հայտնում է РИА «Новости»–ն։

«Հանդիպումը ծրագրված է տեղական ժամանակով նոյեմբերի 17–ին։ Մոսկվայում դա կլինի նոյեմբերի 18–ի գիշերը»,–ասել է Ռյաբկովը՝ հստակեցնելով, որ զրուցակիցները կքննարկեն Սիրիայի և Ուկրաինայի իրավիճակը, ինչպես նաև պատժամիջոցների հարցը։

«gazeta.ru»–ն հիշեցնում է՝ Լիմայում նոյեմբերի 17–23–ը կկայանա Ասիա–խաղաղօվկիանոսյան տնտեսական համագործակցության գագաթաժողովը։

7or.am