Ֆուտբոլային ակումբներից մեկն արգենտինացի հարձակվող Լիոնելլ Մեսսիին 100 մլն եվրո է առաջարկել կատալոնական «Բարսելոնայի» հետ պայմանագիրը չերկարացնելու համար։ Այս մասին հայտնում է իսպանական «El Mundo»–ն։

Ակումբը, որի անունը չի նշվում, մտադիր է Մեսսիին իր պայմանագիրն առաջարկել։ Եթե արգենտինացին հրաժարվի «Բարսելոնայից», գնող ակումբը կազատվի պայմանագրում նշված 250 մլն եվրո վճարելու անհրաժեշտությունից։

«Բարսելոնայի» հետ Մեսսիի ներկա պայմանագիրն ուժի մեջ է մինչև 2018–ը։

Ֆուտբոլիստը կատալոնական ակումբի համար խաղում է 2004–ից։ Այդ ընթացքում նա Իսպանիայի 8–ակի չեմպիոն է դարձել, Չեմպիոնների լիգայի քառակի հաղթող, 3 անգամ՝ ՈւԵՖԱ–ի սուպերգավաթի և աշխարհի ակումբային առաջնության։ Մեսսին 5 անգամ աշխարհի լավագույն ֆուտբոլիստ է ճանաչվել։

7or.am