Ծանրորդ Հռիփսիմե Խուրշուդյանը զրկվել է Լոնդոն 2012թ. Օլիմպիական խաղերի բրոնզե մեդալից:

Միջազգային օլիմպիական կոմիտեն հրապարակել է այն մարզիկների անունները, որոնց դոպինգ թեստի կրկնակի ստուգումը դրական արդյունք է տվել:

2012թ. նրանից վերցված արյան նմուշի երկրորդ ստուգման արդյունքում հայտնաբերվել են արգելված խթանիչներ՝ դեհիդրոքլորմեթիլթեստոստերոն և տանոզոլոլ: Այսպիսով, Խուրշուդյանը պետք է վերադարձնի մեդալը և դիպլոմը:

Հիշեցնենք, որ ավելի վաղ նաև որակազրկվել էր ծանրորդ Տիգրան Մարտիրոսյանը՝ զրկվելով Պեկին 2008թ. նվաճած բրոնզե մեդալից: Նրա արյան փորձանմուշում նույնպես դեհիդրոքլորմեթիլթեստոստերոն և տանոզոլոլ էր հայտնաբերվել:

7or.am