Իրանի քաղաքացի 43-ամյա Սաքինեհ Մոհամմադի Աշթանիին քարկոծության միջոցով մահապատժի դատապարտելու լուրը վերջերս աշխարհի լրատվամիջոցների էջերից չէր իջնում։ «vesti.ru»-ն հաղորդում է, որ չորեքշաբթի Իրանում այդ կնոջը մահապատժի կենթարկեն։ Հիշեցնենք, որ նրան մեղադրում են ամուսնական անհավատարմության և ամուսնուն սպանելու համար։ Պատժի գերագույն չափին Աշթանիին դատապարտել էին 4 տարի առաջ։ Իր մեղքը նա ժխտում է և պնդում, թե խոստովանական ցուցմունք տվել է ճնշումների ազդեցության ներքո։

Քանի որ կնոջը քարկոծելու դատավճռի մասին լուրերը ամբողջ աշխարհում բուռն արձագանք առաջ բերեցին, այժմ նրան կախելու են։ Երկու երեխաների մոր աջակցությամբ հանդես են եկել միջազգային իրավապաշտպան կազմակերպությունները։