ԱՄՆ ընտրված նախագահ Դոնալդ Թրամփը հանդիպել է պետքարտուղարի պաշտոնի թեկնածու Միթ Ռոմնիի հետ։ Քաղաքական գործիչներն ընթրել են «Jean Georges» միշլենյան ռեստորանում, որը գտնվում է «Trump International Hotel»–ում։ Այս մասին հայտնում է CNN—ը։

Նրանց ընկերակցել է Հանրապետական կուսակցության ազգային հանձնաժողովի ղեկավար Ռինս Փրիբասը։ Գործակալության թղթակիցը հայտնել է, որ Թրամփն ու Ռոմնին, չնայած իրենց վաղուցվա տարաձայնություններին, թշնամանք չեն ցուցաբերել և ժպտացել են։

CNN–ի տվյալներով՝ Թրամփը, Ռոմնին և Փրիբասն ընտրել են սխտորով և գորտի թաթերով ապուր, կատարներ, գազարով սուկի՝ ցիտրուսային ջնարակի մեջ, և ոչխարի կոտլետներ՝ սնկային սոուսով։ Որպես աղանդեր՝ երեքն էլ պատվիրել են շոկոլադե տորթ։

7or.am