Սիրիայում մեկ օրվա ընթացքում 3000 գրոհային ինքնակամ հանձնել է զենքերն ու ընտանիքներով հեռացել Իդլիբի Հան էշ Շեյխ քաղաքից։

«Երկար ու տանջալից բանակցություններից հետո գրոհայինները համաձայնել են միանալ հրադադարի ռեժիմին,– հակամարտող կողմերի հաշտեցման ռուսական կենտրոնի գնդապետ Ալեքսեյ Լեշչենկոյի խոսքերն է մեջբերում ТАСС–ը,–բանակցություններն անցել են շատ լարված, բարոյական մեծ ջանքեր են պահանջվել»։

Ահաբեկիչները հանձնել են ավելի քան 500 միավոր հրազեն, դիպուկահար հրացաններ, մի քանի տասնյակ 120-մմ–ոց ականանետեր։

Հան էշ Շեյխում, որը գտնվում է Դամասկոսի արվարձաններում, ավերված են գրեթե բոլոր շինությունները։ Ազատագրված բնակավայրում երթևեկը դեռևս խիստ վտանգավոր է. սակրավորներն ամենուր ականներ են հայտնաբերում։

7or.am