Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյուն խոստովանել է, որ ընթացիկ մրցաշրջանում Քարիմ Բենզեմայից ու Անտոնի Մարսիալից ավելի բարդ իրավիճակ է ունեցել հայ կիսապաշտպան Հենրիխ Մխիթարյանի հետ: Այս մասին հայտնում է «SFR Sport»-ը:

«Հենրիխը հասկացել է տարբերությունն իմ և իր նախորդ մարզիչների միջև: Պրեմիեր լիգայի պահանջներն Ուկրաինայի առաջնությունից կամ Բունդեսլիգայից տարբերվում են խաղալու փիլիսոփայությամբ: Մխիթարյանը շատ է աշխատել առանց խաղալու, շատ է աշխատել՝ հասնելու համապատասխան մակարդակին: Բոլորի համար հանկարծակի Միկին մի քանի հանդիպում անցկացրեց, երբ ոչ ոք չէր սպասում նրա մասնակցությունը, և Մխիթարյանը խաղի լավագույն ֆուտբոլիստն էր. նա ֆենոմենալ էր: Մարդիկ հասկացան, որ դաշտից դուրս անցկացրած ժամանակը նրան օգնել է որպես խաղացող ավելի լավը դառնալ»,- ասել է Մոուրինյուն։