ԱՄՆ–ի նորընտիր նախագահ Դոնալդ Թրամփը հայտարարել է, որ տեղյակ չէ ընտրությունների ընթացքում տեղի ունեցած կիբերհարձակումներին, իբր, մասնակցություն ունենալու պատճառով Ռուսաստանի դեմ նոր պատժամիջոցներ սահմանելու ծրագրերի մասին։ Այս մասին փոխանցում է «Reuters»–ը։

«Ես կարծում եմ, որ մենք պետք է մեր կյանքով զբաղվենք։ Ըստ իս՝ համակարգիչները չափազանց շատ են բարդացրել մեր կյանքը։ Համակարգչային դարաշրջանը մեզ բերել է այնպիսի վիճակի, որտեղ ոչ ոք չգիտի, թե ինչ է կատարվում»,–ասել է Թրամփը լրագրողներին՝ պատասխանելով Վաշինգտոնի կողմից Ռուսաստանի դեմ նոր պատժամիջոցներ սահմանելու անհրաժեշտության մասին հարցին։

7or.am