Ի պատասխան կիբերհարձակումների հետ կապված ԱՄՆ–ի սահմանած պատժամիջոցների՝ ՌԴ ԱԳՆ–ն նախագահ Վլադիմիր Պուտինին առաջարկել է երկրից 35 ամերիկացի դիվանագետի արտաքսել: Այդ մասին հայտնել է ՌԴ արտգործնախարար Սերգեյ Լավրովը:

Ըստ նրա՝ անհրաժեշտ է արտաքսել Մոսկվայում ԱՄՆ դեսպանատան 31 աշխատակցի և Սանկտ Պետերբուրգում գտնվող գլխավոր հյուպատոսության 4 դիվանագետի, բայց կոնկրետ անունները նա չի նշել:

Բացի այդ, ՌԴ ԱԳՆ-ն առաջարկում է արգելել ամերիկացի դիվանագետներին օգտվել Սերեբրյաննի Բորում գտնվող դեսպանատան ամառանոցից և Մոսկվայի Դորոժնայա փողոցում գտնվող պահեստից:

7or.am