Այսօրվանից ՀԱՊԿ գլխավոր քարտուղարի պարտականությունները կկատարի քարտուղարի տեղակալ Վալերի Սեմերիկովը։ Այս մասին հայտնել է ՀԱՊԿ վարչությունը։

Հաղորդագրության մեջ ասվում է, որ ՀԱՊԿ գլխավոր քարտուղար Նիկոլայ Բորդյուժայի պաշտոնավարման ժամկետն ավարտվել է 2016 թվականի դեկտեմբերի 31-ին, այդ պատճառով նրան փոխարինել է Սեմերիկովը։

Հիշեցնենք, որ ՀԱՊԿ ղեկավարությունն անցած տարվա հոկտեմբերից պետք է անցներ Հայաստանին և Երևանում կայացած ՀԱՊԿ գագաթաժողովի ժամանակ Հայաստանի ներկայացուցիչը պետք է նշանակվեր կազմակերպության գլխավոր քարտուղար։ Սակայն որոշում էր կայացվել հետաձգել ՀԱՊԿ գլխավոր քարտուղարի նշանակումը մինչև 2017 թվականի ապրիլ։

Աղբյուրը՝ Zham.am