Ռուսաստանի Լիբերալ Դեմոկրատական կուսակցության առաջնորդ Վլադիմիր Ժիրինովսկին հայտարարեց, որ Մառա Բաղդասարյանի ինքնազգացողությունը վատանում է, երբ հերթը հասնում է պատիժը կրելուն:

Ինչպես հաղորդում է «Life»-ը, այսօր Վլադիմիր Ժիրինովսկին հայտարարեց, որ սկանդալային Մառա Բաղդասարյանը հիմա արդեն ավելի հայտնի է, քան Կարմիր Գլխարկի մասին հեքիաթը:

«Մեզ ցույց են տալիս Մառա Բաղդասարյանին։ Նա արդեն ավելի հայտնի է, քան Կարմիր Գլխարկի մասին հեքիաթը։ Մառա, խեղճ Մառա», - հայտարարեց Ժիրինովսկին:

Բացի այդ, Վլադիմիր Ժիրինովսկին կասկածի տակ է դրել Մառա Բաղդասարյանի առողջական վիճակի մասին լուրերը։ Նա նշեց, որ նա «հիվանդ» է միայն այն ժամանակ, երբ գործը վերաբերվում է կատարած հանցանքի համար պատիժը կրելուն:
«Իսկ մեքենա վարելիս նա առողջ է, իսկ հարկադիր աշխատանք կատարելիս, պարզվում է, հիվանդ է: Հասկանում եմ հիվանդ լինել 80 տարեկանում: Ինչո՞վ է նա հիվանդ: Շատակերությունից, երևի»,– ասաց նա։

Աղբյուրը՝ Zham.am