ԱՄՆ ակտիվիստները սպառնում են խափանել նորընտիր նախագահ Դոնալդ Թրամփի երդմնակալության արարողությունը։ Հազարավոր ցուցարարներ մտադիր են Վաշինգտոնում հունվարի 20-ին բողոքի ակցիա անցկացնել այդ նպատակով։ Այս մասին հայտնում է ՏԱՍՍ–ը։

Ակտիվիստները փորձելու են արգելափակել այն անցակետերը, որոնք տանելու են դեպի միջոցառման անցկացման վայր։

«Մենք ցանկանում ենք տեսնել ընդվզում այս քաղաքում և ամբողջ երկրում»,- ասել է ակցիայի կազմակերպիչներից մեկը:

Հայտնի է, որ Թրամփի երդմնակալության օրը Վաշինգտոնում տարբեր ակցիաներ կազմակերպելու 27 նախաձեռնող խումբ է թույլտվություն ստացել, որը բավական մեծ թիվ է նախորդ արարողությունների համեմատ։

Ակնկալվում է, որ երդմնակալությանը կմասնակցի 800 հազար մարդ: Նրանց անվտանգությունն ապահովելու է 15 հազար ուժային:

7or.am